Green Grow the Rashes , O By Robert Burns

There's nought but care on ev'ry han',
In ev'ry hour that passes, O:
What signifies the life o' man,
An' 'twere na for the lasses, O.

The war'ly race may riches chase,
An' riches still may fly them, O;
An' tho' at last they catch them fast,
Their hearts can ne'er enjoy them, O.

But gie me a cannie hour at e'en,
My arms about my dearie, O;
An' war'ly cares, an' war'ly men,
May a' gae tapsalteerie, O!

For you sae douce, ye sneer at this;
Ye're nought but senseless asses, O:
The wisest man the warl' e'er saw,
He dearly lov'd the lasses, O.

Auld Nature swears, the lovely dears
Her noblest work she classes, O:
Her prentice han' she try'd on man,
An' then she made the lasses, O.

, and First Lauchinrain. Green Grow the Rashes, O By Robert Burns. 2009. video. n.p. Web. 7 May 2012. <http://www.youtube.com/results?search_query=Green Grow the Rashes, O By Robert Burns&oq=Green Grow the Rashes, O By Robert Burns&aq=f&aqi=&aql=&gs_l=youtube.12...445784.445784.0.446733.1.1.0.0.0.0.48.48.1.1.0...0.0.>.